La classe 5A de scuele primarie di Talmassons e presente il lavôr che al à coinvolt ducj i fruts in un progjet di furlan, art e talian cul studi dai cjistiei dal anfiteatri morenic par mieç di une ricercje personâl su un dai cjistiei che al è plasût di plui, il dissen e l’invenzion di une storie doprant i modei da la conte  di aventure, di chê zale o di pôre, romantiche o umoristiche. Chest al à permetût di esprimi lis emozions che l’idee di cjistiel e lis fotografiis e an stiçât intai arlêfs e ognidun a si è esprimût daûr lis abilitâts che al à, imparant a doprâ i struments informatics, soredut inte situazion de DAD. Chest al à favorît l’aprendiment di tantis competencis a diviers nivei e une maturazion dai fruts che ju à preparâts ai grancj cambiaments dal prossim an scolastic.

Il strument doprât dai arlêfs a si clame “thinglink”, un sît che al permet di doprâ imagjinis interativis: scliçant i botons cun il simbul dal dissen si vierzin lis pagjinis che contegnin i dissens e lis ricercjis sui cjistiei di ogni frut, scliçant sui botons cu lis stelis a si podaran lei lis storiis inventadis, dulà che ognidun al à doprât un model di conte che al à studiât e let par talian a scuele. Da la pagjine di ogni ricercje si po scliçâ il boton PADLET che al mene ai dissens intîrs dai cjistiei.

Cheste e je la prime prove di scriture par furlan par chescj fruts, duncje e an provât a metisi in zuc e, cualchidun cun plui dificoltât, e an prodot storiis lungjis o curtis, cun preference par la conte “zale”. 

Sot si cjate il link par vierzi il nestri lavôr.  Buine vision!

https://www.thinglink.com/card/1443946383164833793