-------------------------------------------------------------------------------------------
Me pari al è simpri maraveât cuant chi regali un abraç, cjicolatins o une biele poesie: lui mi domande: "Parcè chest ragal?" e jo i rispuint: "Ti vuel ben e nol serf un motîf par dital!"
Che volte chi, però, no ai voe nancje di un grasie, lu capirai da la bussade ca mi darà.
O restarai tal so braç cjalt, i sintarai il so cûr che al bat, e no varai voe di tabaiâ. O restarai ferme cussì, par un moment ….
Cuant che i consegnarai chest bigliet al sarà un moment special, lu cjalarai tai voi e dopo un pôc i businarai: "Tu vuei tant ben!"
C. F.
Classe quinta B  Scuola primaria di Lestizza.

-----------------------------------------------------------------------------------------------------------------

Me pari al va simpri a cucà tal frigo e al robe un tocut di dolç, alore jo i cridi e lui, par fasi perdonà, mi dâ un tocut di chel dolç.
Al dîs simpri che cuant che i soi nassude i sameavi a un farc.
Cuant che soi strache mi indurmidis sul divano e lui mi fas di cussin parcè che al à un pôc di panzute.
Jo e la mame i vulin une vore, ma une vore di ben!
A.C.
Classe quinta B Scuola primaria di Lestizza

-----------------------------------------------------------------------------------------------------------------
Me pari al è un grant lavoradôr, ma cun me e cun me fradi al è un grant zuiadôr. Cuant che o jeri piçule mi dîs che o jeri come un fruçonut e mi leeve une storie ancje sal jere strac muart.
O soi sigure che di bessole no mi lassarà!
Lui al è un grant goloson soredut cuant che la mame ai prepare i crostui, intant cal guste a mi domande: "Ce mût ise lade a scuele?" e cualchi volte par fami une sorprese al ven a cjolmi a scuele cul motorin.
Cuant che o ai i piis glaçàs lui mi ju scjalde.
Pôc timp fa a si è fat mal tal zenoli, i miedis i an metût vincj ponts, ma no le stat un moment fer?
Par me al è il mior pari dal mond!
A. G.
Classe quinta A Scuola primaria di Lestizza.
----------------------------------------------------------------------------------------------------------------

LA ME MAME

Ti vûl tant ben
Cuant che tu mi bussis,
Cuant che tu mi cjalis tai voi lussins
Cuant che tu mi perdonis,
Cuant che tu mi cridis,
Cuant che tu mi insegnis,
Cuant che tu mi judis,
Cuant che tu mi difindis,
Cuant che tu mi judis a fa i compîs,
Cuant che tu mi cjalis cul cûr,
Cuant che tu mi consolis,
Cuant che tu mi fasis ridi,
Cuant che tu mi contentis,
Cuant che tu mi metis in cjastic
Cuant che tu mi stas dongje tai moments dificii
Cuant che tu mi preparis la me cene preferide
Cuant che tu mi gjapis tal braç,
Cuant che tu mi preparis il lat par durmì
Cuant che tu mi preparis la gulizion,
Cuant che tu mi curis
Cuant che tu preis cun me,
Cuant che tu zuis cun me
Cuant che tu mi stas dongje,
Cuant che tu mi saludis la matine
Cuant che tu ti fidis di me
Ti vûl simpri tant ben

Alunni della classe quarta della scuola primaria di Lestizza